Основной раздел: Молитвословы
Кондак 12
Благодатию неизреченною Духа Святаго напитай сердце чада моего, еже возлюбити токмо Сына Твоего и Бога, и Тебе, Преблагую, да быв Тобою подвизаем, зовет Царю всяческих: Аллилуиа.
Икос 12
Поющи Твое милосердие, имже милуеши и питаеши чадо мое, молюся: не престай просити о нем Сына Твоего, вся бо Тебе возможна суть, и исполни во благо мольбы моя таковыя:
Воспитай чадо мое исполненным Духа Святаго; воспитай чадо мое обрестися на Суде Сына Твоего одесную.
Воспитай чадо мое живущим свято; воспитай чадо мое благодатию Духа Божия твердо на пути вернем пребывающим.
Воспитай чадо мое в плаче о гресех житие свое проводящим; воспитай чадо мое алчущим и жаждущим Божия благодати.
Воспитай, Владычице, чадо мое (имя) достойным Небеснаго Царствия и наследником вечных благ его сотвори.
