Основной раздел: Молитвословы
Кондак 8
Странных сомнений волны потопляют нас в море житейском, и в страхе вопием Ти: «Господи, спаси ны, погибаем». И слышим глас вез десущаго Слова, не токмо Петру, но коемуждо глаголющий: «Почто усомнился еси?» Устыдимся же, малодушнии, силою благодати укрепляеми, ум свой с верою устремим к Богу крепкому, живому, взывающе: Аллилуиа.
Икос 8
Всякую душу из тьмы заблуждения хотящи избавити, Богомати, девице Екатерине в соннем видении Младенца Христа показала еси и ко Крещению привела еси ю. Христос же Господь мудрую деву обручи в невесту Себе и яко исповедницу веры прослави, мученическим венцем же украсй ю и Царствия Небеснаго сподоби. Мы же, премудрости Божией дивящеся, Наставницу заблуждших сице восхвалим: Радуйся, Света истиннаго Мати; радуйся, души омраченныя просвещение.
Радуйся, бури смущений разсеяние; радуйся, мира и тишины водворение.
Радуйся, веры истинныя утверждение; радуйся, волны сомнения о камень веры разбивающая.
Радуйся, Православия тихий свет сохраняющая; радуйся, стадо Христово во едино собирающая.
Радуйся, Благодатная Богородице Дево, погибших Взыскание.
